14 Jordan Henderson

ကိုယ်ရေးအကျဉ်း
=========

ဂျော်ဒန် ဟန်ဒါဆင် သည် ၂၀၂၆ ခုနှစ် ဩဂုတ်လတွင် ချယ်လ်ဆီးသို့ နှစ်နှစ်သက်တမ်းစာချုပ်ဖြင့် ရောက်ရှိလာခဲ့သည်။ အင်္ဂလန်ဝါရင့် ကွင်းလယ် ကစားသမားသည် ပရီးမီးယားလိဂ်နှင့် ချန်ပီယံလိဂ် ဆုဖလားများ အပါအဝင် သူ၏ကစားသမားဘဝတွင် ဆုဖလား (၈) လုံးအထိ ဆွတ်ခူးထားပြီး အနောက်လန်ဒန်သို့ ရောက်ရှိလာခဲ့ခြင်းဖြစ်သည်။

ဟန်ဒါဆင် သည် ကစားသမားဘဝကို မွေးရပ်မြေ ဆန်းဒါးလန်းအသင်း၌ စတင်ခဲ့သည်။ သူ၏ကစားသမားဘဝ ပထမဆုံးပွဲထွက်ခွင့်ကို ၂၀၀၈ ခုနှစ်၊ နိုဝင်ဘာလ စတန်းဖို့ဒ် ဘရစ်ချ်ကွင်း၌ အပြာရောင်တို့နှင့် ကစားခဲ့သည့် ပွဲစဉ်တွင်ဖြစ်ပြီး ကိုဗင်ထရီ စီးတီးအသင်းသို့ အငှားသွားရောက် ကစားခဲ့သည်..။ ထို့နောက် ဆန်းဒါးလန်း အသင်းကြီးတွင် အဓိက ကစားသမားအဖြစ် နေရာရခဲ့သည်။ သူသည် ၂၀၁၁ ခုနှစ် ဇွန်လတွင် လီဗာပူးလ်အသင်းသို့ မပြောင်းရွှေ့မီ ဆန်းဒါးလန်းအသင်းအတွက် (၇၉) ပွဲကစားခဲ့ပြီး အင်္ဂလန် လက်ရွေးစင်အဖြစ်လည်း ပထမဆုံးပွဲထွက်ခွင့် ရရှိခဲ့သည်။

ဟန်ဒါဆင် သည် အန်ဖီးလ်ကွင်း၌ ပုံမှန်ပွဲထွက် ကစားသမားနှင့် အသင်းခေါင်းဆောင်တစ်ဦးအဖြစ် ခိုင်မာစွာ ရပ်တည်နိုင်ခဲ့သည်။ စတီဗင် ဂျရတ် အသင်းမှ ထွက်ခွာသွားပြီးနောက် ၂၀၁၅ ခုနှစ်၊ ဇွန်လတွင် အသင်းခေါင်းဆောင်အဖြစ် ခန့်အပ်ခံခဲ့ရသည်။ ဟန်ဒါဆင် အသင်းခေါင်းဆောင်အဖြစ် ဆောင်ရွက်ချိန်အတွင်း လီဗာပူးလ်အသင်းမှာ အောင်မြင်မှုလွှမ်းသော ကာလတစ်ခုကို ပိုင်ဆိုင်ခဲ့သည်။ ၂၀၁၉ ခုနှစ်တွင် ချန်ပီယံလိဂ်ဖလား ဆွတ်ခူးနိုင်ခဲ့သလို နောက်ရာသီတွင် နှစ်ပေါင်း (၃၀) အတွင်း ပထမဆုံး ပရီးမီးယားလိဂ် ဆုဖလားကို ဆွတ်ခူးနိုင်ခဲ့သည်။

ဟန်ဒါဆင် သည် ဆော်ဒီ ပရိုလိဂ်ပြိုင်ပွဲဝင် အယ်လ် အီတီဖက်အသင်းသို့ မပြောင်းရွှေ့မီ လီဗာပူးလ်အသင်းနှင့် FA ဖလား၊ လိဂ်ဖလား (၂) ကြိမ်၊ ကွန်မြူနတီဒိုင်း၊ UEFA စူပါဖလားနှင့် FIFA ကလပ်အသင်းများ ကမ္ဘာ့ဖလားတို့ကိုလည်း ဆွတ်ခူးခဲ့သည်။ ထို့နောက် နယ်သာလန်မှ အိုင်းယက်စ်၊ အနောက်လန်ဒန်မှ ဘရန့်တ်ဖို့ဒ် အသင်းများတွင် ပါဝင်ကစားခဲ့ပြီးနောက် စတန်းဖို့ဒ် ဘရစ်ချ်သို့ ပြောင်းရွှေ့လာခဲ့ခြင်းဖြစ်သည်။

နိုင်ငံတကာ အဆင့်တွင် သူသည် ချယ်လ်ဆီးနှင့် လက်မှတ်ရေးထိုးချိန်အထိ အင်္ဂလန်အသင်းအတွက် (၉၁) ပွဲ ပါဝင်ကစားထားပြီး ယူရို ၂၀၂၀ ပြိုင်ပွဲတွင် ဒုတိယဆု (Runners-up) နှင့် ၂၀၂၆ ကမ္ဘာ့ဖလား ပြိုင်ပွဲတွင် တတိယဆု ရရှိခဲ့သည့် အသင်းလူစာရင်းများ၌ ပါဝင်ခဲ့သည်။