37 Omari Kellyman

ကိုယ်ရေးအကျဉ်း
==========

အသက် (၁၈) နှစ်အရွယ် တိုက်စစ်အားသန် ကွင်းလယ် ကစားသမား အွမ်မ်ရီ ကယ်လီမန် မှာ ၂၀၂၄ ခုနှစ်၊ ဩဂုတ်လတွင် အက်စ်တွန် ဗီလာအသင်းမှ (၆) နှစ်သက်တမ်းစာချုပ် + တစ်နှစ်သက်တမ်း ထပ်မံတိုးခွင့် အပါအဝင်ဖြင့် ချယ်လ်ဆီးအသင်းသို့ ရောက်ရှိလာခဲ့သည်..။

ကယ်လီမန် မှာ ဒါဘီ ကောင်တီအသင်းတွင် ကစားသမားဘဝကို စတင်ခဲ့ပြီး အက်စ်တွန် ဗီလာအသင်းသို့ ၂၀၂၂ ခုနှစ်တွင် ရောက်ရှိလာခဲ့သည်..။ အဆိုပါဘောလုံးရာသီအတွင်း အင်္ဂလန်လူငယ် အသင်းများ (အသက် ၁၈ နှစ်အောက် နှင့် အသက် ၂၁ နှစ်အောက်) တွင် ရွေးချယ်ခံခဲ့ရသည်..။

အက်စ်တွန် ဗီလာအသင်းအတွက် ပထမဆုံး ပွဲကစားခွင့်ကို ၂၀၂၃ ခုနှစ် နွေရာသီတွင် အမေရိကန်ပြည်ထောင်စုသို့ ထွက်ခွာခဲ့သည့် ရာသီကြိုခရီးစဉ်တွင် စတင်ရရှိခဲ့ပြီး ၂၀၂၃ ခုနှစ်၊ ဩဂုတ်လ၊ ဟီဘာနီယန်းအသင်းအား အနိုင်ရရှိခဲ့သည့် ယူရိုပါ ကွန်ဖရင့်စ်လိဂ် ပွဲစဉ်တွင် ပထမဆုံးအကြိမ် ပွဲထွက်ခွင့်ရခဲ့သည်..။

၂၀၂၃၄/၂၄ ဘောလုံးရာသီတွင် မန်ချက်စတာ စီးတီး၊ ခရစ်စ်တယ် ပဲလေ့စ်အသင်းများနှင့် ပွဲစဉ်များအပါအဝင် (၅) ပွဲ ပါဝင်ကစားခွင့်ရခဲ့သည်..။