ပရီးမီးယားလိဂ်အသင်းများ၏ ၂၀၂၄/၂၅ ဘောလုံးရာသီ၊ နွေရာသီ အပြောင်းအရွှေ့ဈေးကွက်မှာ သောကြာနေ့၊ ဗြိတိသျှစံတော်ချိန် ည (၁၁း၀၀) နာရီတွင် ပြီးဆုံးသွားပါသည်..။ ယခုနှစ်နွေရာသီ အပြောင်းအရွှေ့ကာလအတွင်း ပရီးမီးယားလိဂ်အသင်းများမှာ ကစားသမားခေါ်ယူမှုများအတွက် စတာလင်ပေါင် (၂.၀၈) ဘီလီယံ ပြုလုပ်ခဲ့သည်..။ ကစားသမား ရောင်းချမှုများမှ စတာလင်ပေါင် (၁.၄၅) ဘီလီယံ ပြန်လည်ရရှိခဲ့ပြီး ရောင်းချမှုများမှ ငွေကြေးအများဆုံးပြန်လည် ရရှိခဲ့သည့် အပြောင်းအရွှေ့ကာလအဖြစ် မှတ်တမ်းတင်နိုင်ခဲ့သည်..။

ချယ်လ်ဆီးအသင်းမှာ ကစားသမား ခေါ်ယူမှုများအတွက် စတာလင်ပေါင် (၂၁၉) သန်း သုံးစွဲခဲ့ပြီး ပရီးမီးယားလိဂ်အသင်းများအနက် ယခုနှစ်နွေရာသီ အပြောင်းအရွှေ့ ကာလတွင် ငွေကြေးသုံးစွဲမှု အများဆုံးအသင်း ဖြစ်ခဲ့သည်..။

Sky Sports သတင်းဌာန၏ တွက်ချက်မှုများအရ ကစားသမားခေါ်ယူမှုများအတွက် စတာလင်ပေါင်သန်း (၁၀၀) ကျော် သုံးစွဲခဲ့သော အသင်းများတွင် မန်ချက်စတာ ယူနိုက်တက် (စတာလင်ပေါင် ၂၀၅.၉ သန်း)၊ ဘရိုက်တန် (စတာလင်ပေါင် ၁၉၂ သန်း)၊ တော့တင်ဟမ် (စတာလင်ပေါင် ၁၃၃.၅ သန်း)၊ ဝက်စ်ဟမ်း (စတာလင်ပေါင် ၁၃၂.၅ သန်း)၊ အက်စ်တွန် ဗီလာ (စတာလင်ပေါင် ၁၂၉.၅ သန်း)၊ အစ်ပ်ဝစ်ချ် တောင်း (စတာလင်ပေါင် ၁၂၄ သန်း)၊ ဆောက်ပ်သမ်တန် (စတာလင်ပေါင် ၁၀၈.၃ သန်း) နှင့် အာဆင်နယ် (စတာလင်ပေါင် ၁၀၁.၅ သန်း) တို့ ပါဝင်ခဲ့သည်..။

ကစားသမား ရောင်းချမှုများမှ ဝင်ငွေအများဆုံး ရရှိခဲ့သည့် အသင်းများထဲတွင် ချယ်လ်ဆီးအသင်းမှာ စတာလင်ပေါင် (၁၅၃.၃) သန်းဖြင့် ထိပ်ဆုံးမှ ရပ်တည်နေခဲ့ပြီး မန်ချက်စတာ စီးတီးအသင်းက (စတာလင်ပေါင် ၁၄၆.၉ သန်း)၊ အက်စ်တွန် ဗီလာအသင်းက (စတာလင်ပေါင် ၁၃၆.၄ သန်း)၊ ခရစ္စတယ် ပဲလေ့စ် (စတာလင်ပေါင် ၉၈.၃ သန်း)၊ အာဆင်နယ် (စတာလင်ပေါင် ၉၇.၅ သန်း)၊ မန်ချက်စတာ ယူနိုက်တက် (စတာလင်ပေါင် ၉၄.၇ သန်း) နှင့် ဝုလ်ဖ် (စတာလင်ပေါင် ၉၄ သန်း) စသဖြင့် အသီးသီး ဝင်ငွေများ ပြန်လည်ရရှိခဲ့ကြသည်..။

ယခုနှစ်နွေရာသီ အပြောင်းအရွှေ့ကာလတွင် တန်ကြေးအမြင့်ဆုံး ခေါ်ယူမှု ပြုလုပ်ခဲ့သည့်အသင်းမှာ တော့တင်ဟမ် အသင်းဖြစ်ပြီး ချယ်လ်ဆီးအသင်း တိုက်စစ်မှူးဟောင်း ဒေါမနစ်ခ် ဆိုလန်ကီ အား ဘုန်းမောက်အသင်းမှ စတာလင်ပေါင် (၆၅) သန်းဖြင့် ခေါ်ယူခဲ့သည်..။ တန်ကြေးအမြင့်ဆုံး ရောင်းချခဲ့ရသည့် ကစားသမားမှာ အာဂျင်တီးနား တိုက်စစ်မှူး ဂျူလီယန် အယ်လ်ဗာရက်ဇ် ဖြစ်ပြီး မန်ချက်စတာ စီးတီးအသင်းမှ အက်တလက်တီကို မက်ဒရစ်အသင်းထံသို့ စတာလင်ပေါင် (၈၂) သန်းဖြင့် ရောင်းချခဲ့ခြင်းဖြစ်သည်..။

ဆောက်ပ်သမ်တန်အသင်းမှာ ကစားသမားခေါ်ယူမှု စုစုပေါင်း (၁၂) ဦးပြုလုပ်ခဲ့ပြီး ချယ်လ်ဆီးအသင်းနှင့် အစ်ပ်ဝစ်ချ် အသင်းတို့က ကစားသမား (၁၁) ဦးစီ ခေါ်ယူခဲ့သည်..။ အာဆင်နယ်အသင်းမှာ ယခုနှစ်ဘောလုံးရာသီတွင် ကစားသမား (၃၁) ဦးအထိ အပြီးသတ် ပြောင်းရွှေ့ခွင့်ပေးခဲ့ပြီး ချယ်လ်ဆီးအသင်းမှာ ကစားသမား (၁၆) ယောက်ကို ထွက်ခွာခွင့် ပေးခဲ့သည်..။

အဌားချကစားသမား အများဆုံး စေလွှတ်ခဲ့သည့်အသင်းမှာ ဘရိုက်တန်အသင်းဖြစ်ပြီး ကစားသမား (၁၆) ယောက် အဌားစေလွှတ်ခဲ့သလို ချယ်လ်ဆီးအသင်းမှာ အဌားချကစားသမား (၁၄) ယောက်ဖြင့် ဒုတိယနေရာမှ ရပ်တည်ခဲ့သည်…။

ချယ်လ်ဆီးအသင်း၏ ၂၀၂၄/ ၂၅ ဘောလုံးရာသီအတွင်း ပြုလုပ်ခဲ့သော ခေါ်ယူမှုများ

အသင်းနှင့် စာချုပ်သက်တမ်းတိုးနိင်ခဲ့သည့် ကစားသမားများ

တိုင်ရစ်ခ် ဂျော့ချ်
ကိုင်ဒန် ဝီလ်ဆင်
ရစ်ချက် အိုလီဆေး
ဖရန်ကီ ရမ်ဟမ်
ဂျင်မီ-ဂျေး မော်ဂန်
ကိုးလ် ပါးမား
ရှောင် ဝိတ်ဒ်
အိုလေး ဟာရီဆင်
ဆယ်မြူရယ် ရက်ခ်-ဆာကီ

၂၀၂၄/၁၅ ဘောလုံးရာသီတွင် ချယ်လ်ဆီးအသင်းမှ ထွက်ခွာသွားခဲ့သော ကစားသမားများ

၂၀၂၄/၂၅ ဘောလုံးရာသီတွင် အဌားချထားသည့် ကစားသမားများ

* အပြောင်းအရွှေ့ မပြီးပြတ်သေးသည့် ကစားသမားများ