JT မှာ အသက် (၁၄) နှစ်အရွယ်တွင် ချယ်လ်ဆီးအသင်း လူငယ်အကယ်ဒမီသို့ စတင်ရောက်ရှိခဲ့ပြီး အသင်းတွင် နှစ်ပေါင်း (၂၀) ကျော် ပေးဆပ်၊ ကစားခဲ့သည်။ ၂၀၁၇ ခုနှစ်တွင် အသင်းမှ  ထွက်ခွာသွားခဲ့ချိန်တွင် ချယ်လ်ဆီးအသင်း၏ သမိုင်းတစ်လျှောက် ဆုဖလားအများဆုံး ဆွတ်ခူးနိုင်ခဲ့သည့် အအောင်မြင်ဆုံးကစားသမားအဖြစ် မော်ကွန်းထင်နိုင်ခဲ့ပါသည်..။ ထို့အပြင် အသင်း၏သမိုင်းတစ်လျှောက် အသင်းခေါင်းဆောင်အဖြစ် ပွဲအများဆုံး တာဝန်ယူ၊ ဦးဆောင်ပေးခဲ့သူလည်း ဖြစ်ခဲ့ပါသည်။

ဂျွန် တယ်ရီ မှာ ချယ်လ်ဆီးအသင်းတွင် ကစားခဲ့သည့် ကာလတစ်လျှောက်တွင် ထိပ်တန်း ကစားသမား အများအပြား ပါဝင်ခဲ့သော အသင်းပေါင်းများစွာတွင် ပါဝင်ခွင့်ရခဲ့သည်..။ ၁၉၉၀ ခုနှစ်နှောင်းပိုင်းကာလတွင် အသင်းကြီး ကစားသမားအဖြစ် ပထမဆုံးအကြိမ် စတင်ပါဝင်ခွင့် ရချိန်မှစတသ်၍ ဆုတံဆိပ်များကို ပုံမှန်ဆွတ်ခူးနိုင်ခဲ့သည်။ ၂၀၀၅၊ ၂၀၀၆ နှင့် ၂၀၁၀ ခုနှစ်များတွင် ပရီးမီးယားလိဂ် ချန်ပီယံဆု ရရှိခဲ့သည့် အသင်းများတွင် အဓိက ကစားသမားတစ်ယောက်အဖြစ် ပါဝင်ခဲ့ရပြီး ၂၀၁၂ ခုနှစ်တွင် ချန်ပီယံလိဂ် ဖလားကြီးကို ဆွတ်ခူးနိုင်ခဲ့သည်။

တယ်ရီ သည် ၂၀၁၀ ခုနှစ်အလယ်ပိုင်းတွင် အသင်း၌ ဆက်လက်ရှိနေဆဲဖြစ်ပြီး သုံးနှစ်အတွင်း ချန်ပီယံဆုဖလား နှစ်ကြိမ်ထပ်မံ ဆွတ်ခူးနိုင်ခဲ့သည်။ ၂၀၁၄/၁၅ ဘောလုံးရာသီ ပရီးမီးယားလိဂ် ပြိုင်ပွဲတစ်ခုလုံးတွင် တစ်မိနစ်မျှ ပျက်ကွက်ခြင်းမရှိဘဲ ပါဝင်ကစားနိုင်ခဲ့သည်။

သူသည် ဂီယန် ဖရန်ကို ဇိုလာ၊ အီဒင် ဟာဇက်၊ အန်ဂိုလို ကန်တေး၊ ရောက်ဘတ်တို ဒီမက်တီယို၊ မာဆယ်လ် ဒက်ဆေးလီ၊ ဂယ်ရီ ကာဟေးလ်.. စသည့် ဂန္တဝင် ကစားသမားကြီးများစွာနှင့် ကစားခဲ့သူ ဖြစ်သောကြောင့် ၄- ၃- ၃ ကစားပုံဖြင့် သူ၏အကောင်းဆုံးကစားသမား (၁၁) ဦးကို ရွေးချယ်နိုင်ရန် မလွယ်ကူခဲ့ပေ။ ထို့ကြောင့် ဂန္ထဝင်အသင်းခေါင်းဆောင်ကြီး JT မှာ သူ၏ တစ်သက်တာ အကောင်းဆုံး အပြာရောင်အသင်း (Team of 120) တွင် ရွေးချယ်ခဲ့ရသည့် အကြောင်းရင်းများကို ဖော်ပြထားခဲ့ပါသည်။

ဂိုးသမား

ပီတာ ချက် (Big Pete) ကိုပဲ ချက်ချင်းရွေးလိုက်ပါတယ်။ ကျွန်တော်ဟာ သူနဲ့အတူ နှစ်ပေါင်းများစွာ အောင်မြင်မှုတွေ အတူတကွ ဆွတ်ခူးနိုင်ခဲ့သလို ကျွန်တော်တို့ရဲ့ ဆက်ဆံရေးကလည်း အထူးကောင်းမွန်ခဲ့ပါတယ်။ ပြီးတော့ သူဟာ တကယ့်ကမ္ဘာ့အဆင့် ဂိုးသမားတစ်ယောက်လည်း ဖြစ်ပါတယ်။

တကယ်တော့ အသင်းကို ရောက်ရှိလာပြိး ပထမဆုံး လေ့ကျင့်ခန်း တစ်ကြိမ်၊ နှစ်ကြိမ်လောက်မှာ ကတည်းက သူ့ကိုကျော်ဖြတ်ပြီး ဂိုးသွင်းနိုင်မယ့်သူ ရှိမှရှိပါ့မလား..? ဆိုတဲ့ အတွေးတွေ ရှိလာခဲ့ပါတယ်..။ လေ့ကျင့်ခန်းတွေမှာ ဘယ်သူကမှ သူ့ကိုကျော်ဖြတ်ပြိး ဂိုးမသွင်းနိုင်ခဲ့ပါဘူး။ သူ့ရဲ့အဆင့်အတန်းက တကယ့်ကို အံ့သြစရာပါပဲ။ ဒါ့အပြင် သူဟာအရမ်းကို ပြိးပြည့်စုံတဲ့ ကစားသမား တစ်ယောက်လည်း ဖြစ်ပါတယ်။ ကာလို ကူဒီစီနီ ကိုလည်း ကျွန်တော်နှစ်ခြိုက်ပါတယ်၊ နောက်ပြီး တခြားနာမည်ကျော် ဂိုးသမားတွေလည်း အများကြီးပါပဲ။ ဒါပေမယ့် Big Pete ကို မျက်ကွယ်ပြု ရွေးချယ်လိုက်ဖို့ ဘယ်လိုမှ မဖြစ်နိုင်ပါဘူး..။

ညာနောက်ခံလူ

တကယ့်ကို ခက်ခဲလှတဲ့ ရွေးချယ်မှုပါ။ နာမည်တွေကို စဉ်းစားလိုက်တာနဲ့ ဒုက္ခလှလှ တွေ့တာပါပဲ..။ တစ်ချို့ကစားသမားကြီးတွေက အသင်းကို ကျွန်တော်မရောက်ခင်ကတည်းက အပြာရောင်တွေအတွက် ပေးဆပ်ခဲ့ကြတဲ့ ထိပ်တန်း ကစားသမားကြီးတွေ ဖြစ်ကြပါတယ်..။ လူငယ်အသင်းမှာ ကျွန်တော်ရှိနေစဉ်က စတိဗ် ကလာ့ခ် (လက်ရှိ စကော့တလန် အသင်းနည်းပြ) ကို အားကျ၊ အတုယူခဲ့ရသလို အဲလ်ဘတ် ဖာရာ၊ ပေါ်လို ဖာရဲရား တို့လို နာမည်ကျော် ကစားသမားတွေလည်း ရှိခဲ့ပါတယ်။ ပေါ်လို ဖာရဲရား၊ ဘရာနီဆလပ်ဗ် အိုင်ဗန်နိုဗစ် နဲ့ ဆီဇာ အက်ဇ်ပီလီကွဲတား တို့ သုံးယောက်ထဲကပဲ ရွေးရမှာပါ။ ရိစ် ဂျိမ်းစ် ကတော့ ကျွန်တော့်တို့ မရှိတော့တဲ့ နောက်ပိုင်းမှ အသင်းကိုရောက်လာတဲ့သူ ဖြစ်ပါတယ်..။

ရွေးရတာ သိပ်ကိုခက်ခဲပါတယ်...။ ကျွန်တော်ကတော့ အပြာရောင်တွေနဲ့ ကာလရှည်ကြာ လက်တွဲနိုင်ခဲ့မှု (longevity) ကို ဦးစားပေးဖို့ ဆုံးဖြတ်လိုက်ပါတယ်..။ ပေါ်လို ဖာရဲရား နဲ့အတူ အောင်မြင်မှုတွေ ရခဲ့ပေမယ့် သူ့ရဲ့ရွှေရောင်ကာလတွေဟာ သက်တမ်းတိုတောင်းခဲ့ပါတယ်။ အိုင်ဗန်နိုဗစ် ကတော့ သူ့ထက်နည်းနည်း ပိုကြာခဲ့ပါတယ်။ အက်ဇ်ပီလီကွဲတား ဟာ ချယ်လ်ဆီးအသင်းမှာ အချိန်အကြာကြီးရှိခဲ့ပြီး အသင်းခေါင်းဆောင်အဖြစ် ချန်ပီယံလိဂ် ဖလား၊ ယူရိုပါလိဂ်ဖလားတွေအပြင် ကလပ်အသင်းများ ကမ္ဘာ့ချန်ပီယံဖလားကိုပါ ဆွတ်ခူးပေးနိုင်ခဲ့ပါတယ်။ ဒါကြောင့် သူ့ကိုပဲ ရွေးလိုက်တယ်။ ဘရန်နန် (အိုင်ဗန်နိုဗစ်) က ဒုတိယနေရာမှာ ရှိပါမယ်။

ဘယ်နောက်ခံလူ

ဒီနေရာမှာလည်း သိပ်ကိုထူးချွန်ခဲ့တဲ့ ကစားသမားကောင်းတွေ ရှိခဲ့ပါတယ်။ ကျွန်တော်အသင်းကို မရောက်ခင်က ဂရမ်မ် လီဆောက် ရှိနေခဲ့ပါတယ်။ ဝိန်း ဘရစ်ချ် နဲ့လည်း အတူတူ ကစားခဲ့ပါတယ်။ ဒါပေမယ့် အက်ရှ်လေ ကိုးလ် ကတော့ ကျွန်တော့်ရဲ့ ဘယ်တောင်ပံ ခံစစ်မှူး ဖြစ်ပါတယ်..။ မားကို့စ် အလွန်ဆို လည်း သိပ်ကိုကောင်းပါတယ်။ ဒါပေမယ့် အက်ရှ်လေ ကိုးလ် က အဲဒီအချိန်က ကမ္ဘာ့အကောင်းဆုံး ဘယ်နောက်ခံလူ တစ်ယောက်ဆိုတာ အငြင်းပွားစရာ မရှိပါဘူး..။

ဗဟို ခံစစ်မှူး (၁)

ဒီနေရာကို ရွေးချယ်ရတာလည်း အရမ်းကို ခက်ခဲပါတယ်..။ ဒါပေမယ့် မာဆယ်လ် ဒက်ဆေလီ ကိုပဲ ရွေးချယ်လိုက်ပါတယ်။ ကျွန်တော်ဟာ ငယ်ငယ်တုန်းက သူ့ကို အတုယူ၊ အားကျခဲ့ပါတယ်။ ‘အကောင်းဆုံး..’ ဆိုတဲ့ ကစားသမား တစ်ယောက်ရဲ့ ခံယူချက်၊ စိတ်ဓါတ်နဲ့ အင်္ဂါရပ်တွေကို သူ့ဆီကနေ သင်ယူခဲ့ပါတယ်..။ ဒါ့အပြင် လူငယ်ကစားသမားဘဝမှာ သူဟာကျွန်တော့်ကို အရမ်းဂရုစိုက်ခဲ့ပါတယ်။ (၁၇) နှစ်သားအရွယ် လူငယ်ကစားသမားလေး တစ်ယောက်အတွက် သူ့ရဲ့သင်ကြားပေးခဲ့မှုတွေ, အချိန်ပေးခဲ့မှုတွေဟာ တကယ့်ကိုအဖိုးမဖြတ်နိုင်တဲ့ ရတနာတွေပဲ ဖြစ်ပါတဘ်..။ ဒါကြောင့် မာဆယ်လ် ကိုပဲ ရွေးလိုက်ပါတယ်ဗျာ,,။

ဗဟို ခံစစ်မှူး (၂)

ရီကာဒို ကာဗလ်လ်လို နဲ့ ဂယ်ရီ ကာဟေလ် တို့ကို ပြန်ရွေးရရင် ကောင်းမလား မသိပါဘူး..။ Wow..! ဒီနေရာကို ရွေးချယ်ရတာလည်း တကယ့်ကို ခက်ခဲပါတယ်..။ ဒါ့ကြောင့် သူတို့အားလုံးကို ရှောင်ပြီး သီယာဂို ဆေးလ်ဗား ကို မာဆယ်လ် နဲ့အတူ တွဲဖက်၊ ကစားဖို့ ရွေးချယ်လိုက်တယ်။ ကျန်တဲ့ကျွန်တော့်ရဲ့ တွဲဖက်နောက်ခံလူတွေကို စိတ်မပျက်စေချင်ဘူး။ သူတို့တွေကို အများကြီးထည့်သွင်း၊ စဉ်းစားခဲ့ရတာ အသေအချာပါပဲဗျာ..။

ကွင်းလယ် ကစားသမား (၁)

ဖရန့် လမ်းပတ် ပေါ့ဗျာ…။ သူဟာ ကျွန်တော်တို့ရဲ့ တစ်သက်တာ အကောင်းဆုံး ကစားသမားပါ…။ သူ့ရဲ့ အပြာရောင်တွေနဲ့ သက်တမ်းရှည်ကြာခဲ့မှု၊ သွင်းဂိုးတွေ၊ ပြောင်မြောက်လှတဲ့ စွမ်းဆောင်ရည်တွေကို နှစ်စဉ်နှစ်တိုင်း အကြိမ်ကြိမ်အခါခါ စွမ်းဆောင်ပြနိုင်ခဲ့မှုတွေကြောင့် ဖရန့် ဟာ ထိပ်ဆုံးတကာ့ ထိပ်ဆုံးထဲက တစ်ယောက်ပေါ့ဗျာ…။

အီဒင် ဟာဇက် ဟာ ကျွန်ုပ်တို့ထဲမှာ ပင်ကိုယ်ပါရမီ အထူးချွန်ဆုံး ကစားသမား ဖြစ်ပါတဘ်..။ ဒါပေမယ့်ဖရန့် ရဲ့ အောင်မြင်မှုတွေကို ကြည့်မယ်ဆိုရင် သူက ထိပ်ဆုံးတကာ့ ထိပ်ဆုံးအဆင့်မှာ ထိုက်တန်နေတယ်ဆိုတာ အငြင်းပွားစရာ မရှိပါဘူး..။

ကွင်းလယ် ကစားသမား (၂)

Oh.. my God..! ဒီနေရာကို အဲဒီလောက် ရွေးချယ်ရခက်မယ်လို့ မထင်ခဲ့ပါဘူး။ ဒါပေမယ့် ကလော့ဒ် မက်ခလီလီ က ဒီနေရာမှာ ကမ္ဘာ့အကောင်းဆုံးပါပဲ။ ဒါကြောင့် မာကာ ကိုပဲ ရွေးချယ်ပါတယ်..။

မာကာ ဟာ ကျွန်တော်တို့တွေရဲ့ အိမ်မက်ထဲက ကစားသမား ဖြစ်ပါတယ်..။ သူ့ရဲ့နောက်မှာ ကစားနေရပြီဆိုရင် သူဟာကျွန်တော်တို့ရှေ့ကနေ အမှိုက်သရိုက်တွေကို ပြောင်သလင်းခါအောင် ရှင်းလင်းပေးသွားခဲ့တာပါ..။ သူဟာကျွန်တော်တို့ရဲ့ရှေ့က Pac-Man တစ်ကောင်လို အရာရာအားလုံးကို ဝါးမျိုလိုက်ပါတယ်။ တကယ့်ကို အံ့သြစရာကောင်းတဲ့ အဆင့်အတန်းရှိတဲ့ ကစားသမား တစ်ယောက်ပါ။ ဒါ့အပြင်ကျွန်တော်တို့ခေတ်မှာ သူ့ရဲ့အခန်းကဏ္ဍကို လုံလောက်တဲ့ အသိအမှတ်ပြုမှု မရခဲ့ဘူးလို့ ကျွန်တော်ထင်ပါတယ်။

ကွင်းလယ် ကစားသမား (၃)

ကွင်းလယ် ကစားသမားတွေဟာ ပွဲရဲ့အခြေအနေကို အကောင်းဆုံး ဖတ်ရှုနိုင်၊ မြင်တွေ့နိုင်သူတွေ ဖြစ်ကြပါတယ်။ ကျွန်တော်နဲ့အတူ တွဲဖက် ကစားခဲ့တဲ့ ကွင်းလယ် ကစားသမားတွေထဲမှာ ဖရန့် လမ်းပတ် နဲ့ ဆက်စ် ဖာဘရီဂတ်စ် တို့ဟာ ကမ္ဘာ့အဆင့် ကွင်းလယ် ကစားသမားတွေ ဖြစ်ကြပါတယ်။

ဆက်စ် ဟာ ကျွန်တော်နဲ့ အတူကစားခဲ့တဲ့ အချိန်တိုတောင်းပေမယ့်  သူ့ရဲ့ ပွဲအပေါ် သုံးသပ်နိုင်စွမ်းဟာ သူမတူအောင် ထူးချွန်လှပါတယ်..။ ဖရန့် လည်း အလားတူပါပဲ။ ကျွန်တော်က သူတို့နှစ်ယောက်ရဲ့ နောက်မှာ ကစားခဲ့ပါတယ်။ အဲဒီလိုအခြေအနေမှာ ပွဲထဲမှာ ဖြစ်နေတဲ့အရာတွေကို အကောင်းဆုံး သိရှိနိုင်ဖို့ သူတို့တွေနဲ့ ချိတ်ဆက်၊ ဆက်သွယ်နိုင်ဖို့က သိပ်ကိုအရေးကြီးခဲ့ပါတယ်။ ကျွန်တော်က လမ်းပတ် ကို ဘောလုံးပေးလိုက်ပါတယ်..။ ဖရန့်က တစ်ချက်လေးတောင် မကြည့်ပဲနဲ့ ရှေ့မှာ  အိုင်ဗန်နိုဗစ် ရှိနေတယ်ဆိုပြီး တန်းပြောလိုက်ပါတယ်။

ဖရန့် ဟာ အကောင်းဆုံး ပေးပို့မှုတစ်ခုကို စဉ်းစားစရာမလိုပဲ အလိုအလျောက် ပေးပို့နိုင်စွမ်း ရှိပါတယ်။ ဒါပေမယ့် ဆက်စ် နဲ့ ဖရန့် တို့ဆီမှာ အဲဒီအကောင်းဆုံး… ဆိုတဲ့ ပေးပို့မှုတွေထက် ပိုပြီးကောင်းမွန်တဲ့ ပေးပို့မှုတွေ ပြုလုပ်နိုင်စွမ်း အမြဲတမ်းရှိနေပါတယ်..။ သူတို့နှစ်ယောက်ရဲ့ ဘောလုံးဦးနှောက်ဟာ သိပ်ကိုမြန်ဆန်၊ ထက်မြက်လွန်းတာကြောင့်၊ အခုအချိန်မှာ နှစ်ယောက်လုံး အောင်မြင်တဲ့ မန်နေဂျာတွေ ဖြစ်နေတာ အံ့သြစရာ မရှိပါဘူး။
ဖရန့် နဲ့ ဆက်စ် ဟာ သိပ်ကိုဟန်ချက်ညီလှတဲ့ ကွင်းလယ် အတွဲအစပ်ပေါ့ဗျာ..။ ဂိုးတွေ၊ ခြေစွမ်းတည်ငြိမ်မှုတွေ၊ ဖန်တီးပေးနိုင်မှုတွေအပြင် ခံစစ်ပိုင်း ကူညီပေးနိုင်မှုတွေကိုပါ ပေါင်းစပ်ပေးနိုင်ပါလိမ့်မယ်။

တိုက်စစ်မှူး (၁)

ဟာဇက် ကို ချက်ချင်းရွေးလိုက်ပါတယ်။ သူဟချယ်လ်ဆီးအသင်းရဲ့ ပင်ကိုယ်ပါရမီ အထူးချွန်ဆုံး ကစားသမား ဖြစ်ပါတယ်။ သူနဲ့အတူ ယှဉ်ပြိုင်နိုင်ဖို့ ဒေမီယန် ဒပ်ဖ်၊ အာဂျင် ရော်ဘတ် တို့လို ဒိပ်ဒိပ်ကြဲ တောင်ပံ ကစားသမားတွေလည်း ရှိခဲ့ပါတယ်။ ကိုးလ် ပါးမား ဆိုရင် အနာဂတ်မှာ ဒီလိုအဆင့်အတန်းကို ရောက်ရှိလာမယ်လို့ မျှော်လင့်ရပါတယ်။ အိုင်ဒါ ဂတ်ဂျွန်ဆန် ကိုလည်း ချန်ထားလို့ မရပါဘူး..။

ဒါပေမယ့် ဆက်စ် ကို ရွေးခဲ့သလို အီဒင် ဟာ အကောင်းဆုံးတွေထဲက အကောင်းဆုံးတစ်ယောက် ဖြစ်နေတဲ့အတွက် သူ့ကို ရွေးချယ်ခဲ့ပါတယ်..။

တိုက်စစ်မှူး (၂)

ဂီယန် ဖရန်ကို ဇိုလာ ကို ကျွန်တော် ရွေးချယ်ပါတယ်။ မကြာသေးခင်က ကျွန်တော်တို့ဟာ ဖရန်ကို၀ နဲ့အတူ ဂန္ထဝင်ကစားသမားတွေရဲ့ Legends ပွဲစဉ်တစ်ပွဲ ကစားခဲ့သေးတယ်။ သူ့ရဲ့ ခြေနှုတ်ခြေသိမ်းတွဟာ အရင်လို မြန်ဆန်နေတုန်းပါပဲ..။ တကယ့်ကို အံ့သြစရာ ကောင်းပါတယ်။ ကျွန်တော်ငယ်ငယ်တုန်းက ဖရန်ကို ဟာ မာဆယ်လ် လိုပါပဲ..။ သူဟာ ကျွန်တော့်ကို အရမ်းဂရုစိုက်ခဲ့ပါတယ်။

ဖရန်ကို ဟာ ကျွန်တော့်ကို သူ့အတောင်ပံတွေအောက်မှာ ရင်ငွေ့လှုံ၊ စောင့်ရှောက်ပေးခဲ့တဲ့ ကစားသမား တစ်ယောက် ဖြစ်ပါတယ်..။ ဒင်းနစ် ဝိုက်စ် လည်း အလားတူပါပဲ။ သူက ကျွန်တော့်ကို အချိန်တွေ အများကြီးပေးခဲ့တယ်၊ အကြံဉာဏ်ကောင်းတွေ အများကြီးပေးခဲ့ပါတယ်။ ကျွန်တော်ဟာ သူတို့တွဆီက သင်ယူခဲ့မှုတွေကြောင့် ပိုပြီးကောင်းမွန်တဲ့ ကစားသမား တစ်ယောက်အဖြစ် ကြီးပြင်းခွင့် ရခဲ့ပါတယ်။

ကျွန်တော်တွေ့ဖူးသမျှထဲမှာ ခံယူချက်၊ စိတ်ဓါတ် အကောင်းမွန်ဆုံး၊ ပရော်ဖက်ရှင်နယ်အကျဆုံးနဲ့ နှစ်လိုဖွယ် အကောင်းဆုံး ကစားသမားကို ပြောပါဆိုရင် ဖရန်ကို ကို ညွှန်းရမှာပါပဲ။ ဒါတောင်မှ ကျွန်တော်တို့ဟာ သူ့ရဲ့ကစးသမားဘဝ နောက်ပိုင်းအချိန်ကျမှသာ သူ့ကိုရရှိခဲ့တာပါ။ ချယ်လ်ဆီးကို မရောက်လာခင် ငါးနှစ်လောက်တုန်းကဆိုရင် သူဘယ်လောက်ကောင်းခဲ့မလဲ..? စဉ်းစားကြည့်ပါဗျာ..။ တကယ့်ကို အံ့သြစရာကောင်းတဲ့ ကစားသမား တစ်ယောက် ဖြစ်ပါတယ်။

အထောင် တိုက်စစ်မှူး

အငြင်းပွားစရာမရှိ… ‘ဒီဒီယာ ဒရော့ဘာ’ ပါပဲ။ ဒါပေမယ့် ဒီယေဂို ကော်စတာ နဲ့ အခြားကစားသမားတွေကိုလည်း ကျွန်တော် အရမ်းလေးစားပါတယ်။ အီတလီ တိုက်စစ်မှူးကြီး တစ်ယောက်ဖြစ်တဲ့ ဂီယန်လူကာ ဗီယာလီ ကို ကျွန်တော်တို့အားလုံး ချစ်မြတ်နိုးကြပါတယ်။ သူဟာ ကျွန်တော့်ရဲ့ မန်နေဂျာ၊ ကျွန်တော့်ရဲ့အသင်းဖော် ဖြစ်ခဲ့တဲ့အပြင် ကျွန်တော့်ကို ပထမဆုံး ပွဲကစားခွင့် ပေးခဲ့တဲ့သူ ဖြစ်ပါတယ်..။ သူဟာလည်း သိပ်ကိုအံ့သြစရာကောင်းပါတယ်..။

ဒါပေမယ့် ကျွန်တော်နဲ့အတူ တွဲဖက်ကစားခဲ့တဲ့ ကစားသမားတွေထဲမှာ ဒီဒီယာ ဟာ ကမ္ဘာ့အဆင့်.. တကယ့်ကို ရဲရင့်လှတဲ့ သားရဲကြီးတစ်ကောင် အလားပါပဲ။

ကျွန်တော် မကြာခဏ ပြောခဲ့သလို တနင်္လာကနေ သောကြာနေ့အထိ ဒီဒီယာ နဲ့ လေ့ကျင့်ခန်း လုပ်ရတာဟာ စနေနေ့ပွဲတွေ ကစားရတာ ပိုပြီးလွယ်ကူသွားစေပါတယ်။ ဘာဖြစ်လို့လဲဆိုတော့ ကျွန်တော်တို့ဟာ သူ့လိုအဆင့်မြင့် ကစားသမားတစ်ယောက်နဲ့ လေ့ကျင့်နေခဲ့ရတာကိုးဗျ..။ သူက နေ့စဉ်နေ့တိုင်း အသင်းအတွက် (၁၀၀ %) ရာခိုင်နှုန်းပြည့် ပေးဆပ်နိုင်စွမ်း ရှိတဲ့သူ ဖြစ်ပါတယ်။

သူနဲ့အတူ တွဲဖက်ခွင့်ရခဲ့တာကဟာ ကျွန်တော့်ကို ပိုပြီးကောင်းမွန်တဲ့ ကစားသမားတစ်ယောက် ဖြစ်လာစေခဲ့ပါတယ်။ ဒါ့အပြင်ကျွန်တော်တို့လို ကစားသမားတွေ ရှိနေတာကလည်း သူ့ကိုပိုပြီး တိုးတက်၊ ကောင်းမွန်လာစေခဲ့တယ်ယ်လို့လည်း ယူဆမိပါတယ်။ သူဟာ ကစားသမားတိုင်းက တောင့်တရတဲ့ အိပ်မက်ထဲက တိုက်စစ်မှူးတစ်ယောက်ပါပဲ…။ ဘာဖြစ်လို့လဲဆိုတော့ သူဟာ အရာရာအားလုံးကို စွမ်းဆောင်ပေးနိုင်တဲ့သူ ဖြစ်တာကြောင့်ပါ..။

JT ၏ တစ်သက်တာ အကောင်းဆုံးအသင်း (သို့မဟုတ်) Chelsea Team of 120

ပီတာ ချက်၊ ဆီဇာ အက်ဇ်ပီလီကွဲတား၊ အက်ရှ်လေ ကိုးလ်၊ မာဆယ်လ် ဒက်ဆေးလီ၊ သီယာဂို ဆေးလ်ဗား၊ ဖရန့် လမ်းပတ်၊ ကလော့ဒ် မက်ခလီလီ၊ ဆက်စ် ဖာဘရီဂတ်စ်၊ အီဒင် ဟာဇက်၊ ဂီယန် ဖရန်ကို ဇိုလာ၊ ဒီဒီယာ ဒရော့ဘာ

နိဂုံးချုပ် သုံးသပ်ချက်..

ကျွန်တော့်ရဲ့အသင်းဟာ မဆိုးလှပါဘူးနော်..? ဟုတ်တယ်မလား..?
ဂယ်ရီ ကာဟေးလ် နဲ့ ရီကာဒို ကာဗယ်လ်ဟို တို့နဲ့အတူ တွဲဖက်ကစားရရင် ဗဟိုခံစစ်မှူး တစ်ယောက်အတွက် သိပ်ကိုလွယ်ကူလွန်းခဲ့တာကြောင့် သူတို့ကို ချန်ထားခဲ့ရမှာ နှမျောစရာပါပဲ။ ဝီလီယံ ဂါးလက်စ် လည်း ရှိနေပါသေးတယ်..။ ဒါကြောင့် ကျွန်တော်နဲ့ သိပ်မကစားဖြစ်ခဲ့တဲ့ ကစားသမားနှစ်ယောက်ကိုပဲ ဦးစားပေး၊ ရွေးချယ်လိုက်ပါတယ်။ ဒါကို နားလည်ပေးကြလိမ့်မယ်လို့ ထင်မိပါတယ်။

ဒါပေမယ့် ကျွန်တော့်အသင်းကို ကျွန်တော်ကျေနပ်ပါတယ်။